Debut in hindi poetry..

Yaadon me beete ye din ye raina,
bheegi palke, par ek jhalak kahatir pyaase ye naina..
Is baawre dil pe chalta nahi zor,
Wo hi wo dikhe chanhun or, chanhun or...

Uski har baat, uske har lafza, rooh me simat jaate hain,
Inhe hum chah kar bi nahi mita paate hain,
Ye dil to bas ek zidd kar baitha hai,
Us sangdil ke pyar ki aas lagaye baitha hai..

Ab wo door, aur ab, aur bhi door ho chala hai,
Par achanak, ye dil na jaane kyun, beete lamho ka saaz chhedh chala hai..
Gustakh dil, uske khatir, Usi ke khatir dhadke jaa raha hai..
Sab baaton se mukhatib hai, fir bi ek hi fariyaad kiye ja raha hai!!

Kyun pyaar me dard ka saath jarur milta hai..
aankhen band hone par zannat, khulne par khaak hi milta hai..
kyun tanhayiyan is mod pe raas nahi aati,
sab kuch benoor sa hai, bas uski ehsaas hai lubhati..

Is dil ki dastak ansunu reh gayi,
main yahi khada reh gaya, wo in bheegi ankhon ke samne se hi chali gayi..
Mulakat ab bhi hoti hai, par ab jariya khwaab hai..
fark iotna hai ; Ab dil me dartd aur ankhon me sailaab hai...